A Banda Crebinsky, agrupación popular xurdida a raíz do filme galego Os Crebinsky, no que contribuíu a crear evocadoras e surrealistas sonoridades que aínda permanecen latentes no recordo de cantos vimos aquela película, estará os días vindeiros en Noia, concretamente o 20 de agosto, facendo unha parada na súa xira.
Todo indica a que novamente ofrecerán unha destacada escolma dos ingredientes que mellor manexan: este punto no que conflúen e se enriquecen a música máis experimental co folk, o jazz, o rock e a música clásica. As prazas novamente serán limitadas. Para solicitalas deberemos enviar un correo a culturaconcellodenoia@gmail.com.
