O Concello de Outes, en colaboración coa Revista Tempos Novos, organiza unha xornada de debate este sábado 17 de xullo no Centro Náutico Francisco Rama do Freixo. Podemos consultar o programa ao detalle na páxina do Concello. A temática serán as perspectivas de crecemento (social, económico, innovador) da nosa terra neste tempo de progresiva desescalada e tralo período de meirande virulencia da pandemia.
A xornada está aberta ao público sendo precisa inscrición previa polas limitacións de capacidade que impón a COVID-19. O proceso de confirmar asistencia pode facerse tamén a través da web. As solicitudes serán atendidas por estrita orde de recepción. Se ten algunha dúbida, escriba a xornadasoutes@gmail.com