O Noia Harp Fest pendura o cartel de “localidades esgotadas” para a súa nova edición

31 Xullo 2021

O VIII Festival Internacional de Arpa Vila de Noia (o Noia Harp Fest) prepárase para celebrar unha nova edición con todas as prazas reservadas antes do seu inicio. O certame, que se desenvolve entre o 4 e o 6 de agosto a ceo aberto, nos xardíns da Central Hidroeléctrica do Tambre e na praza do Tapal, conta con lista de agarda para poder acceder aos recintos e goza de balde de diferentes mostras de talento e creatividade arredor deste evocador instrumento.

Tanto a dirección do certame como o Concello de Noia lembran ao público que, para garantir o goce seguro da proposta, “a máscara será de uso obrigatorio durante o desenvolvemento dos concertos”. Ademais, a organización pide que todas aquelas persoas que teñan a súa reserva confirmada e que, finalmente, non poidan asistir, avisen con antelación ao correo programacionconcellodenoia@gmail.com para que o equipo de Noia Harp Fest se poida poñer en contacto con tempo coas persoas que teñen solicitada localidade e que se atopan na lista de espera.

Acontecemento único

O certame Noia Harp Fest, o único acontecemento musical e divulgativo centrado na cultura arpística dentro do noroeste ibérico, vai celebrar a súa sétima edición entre o 4 e o 6 de agosto. Noia converterase novamente nun punto de encontro para músicos de toda Europa e América, procedentes de Italia, Bretaña, Lituania, Francia, Paraguai, Galicia, Euskadi, Cataluña e Andalucía. Acudirán artistas tan sobranceiros como a italiana Marianne Gubri, o bretón Tristan le Govic (en formato trío), a andaluza Ana Crisman e agrupacións como a banda vasca Basabi. Por estilos, o abano de proposta promete ser amplo e variado (música clásica, folk, flamenco, vangarda), malia ser a arpa o nexo común das contribucións.

Noia Harp Fest incorpora este ano un novo escenario a ceo aberto, os xardíns da Central Hidroeléctrica do Tambre, que se suma ao habitual da praza do Tapal; mentres que Santa María A Nova acollerá os obradoiros de arpa.

Haberá gratuítos para o público, ao aire libre, de intérpretes destacados deste instrumento.

Nnesta edición do Noia Harp Fest tamén estarán presentes, como é habitual, os músicos galegos. É o caso de Pedro Lamas. O creador e compositor acompañará a Aiste Bruzaite nun concerto de kanklès, un instrumento de corda popular lituano moi popular neste país e na súa contorna.

Outros artigos

A Marea de Noia require unha inspección da ETAP

O voceiro da Marea de Noia, Manolo Seijas, presentou un escrito ante a inspección de sanidade sobre a auga municipal no que require ao dito departamento unha análise exhaustiva da ETAP (Estación Tratamento de Auga Potábel) para verificar o estado da mesma e do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...