Carlos Pereira Martínez (Montevideo,1959), licenciado en Xeografía e Historia, exporá no Centro Cultural Lustres Rivas de Ribeira a súa proposta pictórica Estirpe de Poseidón II. A mostra estará aberta ata o vindeiro 4 de setembro, e poderá ser visitada de luns a venres de 10 a 14 e de 19 a 21 horas, así como os sábados de 11 a 14 horas. A entrada é gratuíta para tódolos interesados en asistir.
Estirpe de Poseidón II é a continuación da primeira entrega, co artista mergullándose no mundo submarino entre o real e o surreal, cun bestiario de fillos e fillas do deus dos martes, facendo un repaso das orixes da vida destas figuras fantásticas.
Carlos Pereira ten publicado numerosos libro e textos de diversas temáticas. Entre os seus títulos máis destacados atópase Os Habitantes do Lago. Doutra banda o historiador tamén ilustrou números de revistas como Ó Loro, Galería ou Suevia. Ademais fixo varias colaboracións en diversos concellos de Galicia e Portugal, con numerosas exposicións, como as realizadas en Noia e San Amaro.
