Na Pobra presentada a proposta de identidade corporativa para o Concello

09 Xullo 2021
Foto concello

O goberno pobrense anunciou na xornada deste 9 de xullo a proposta de identidade corporativa para o Concello;
unha cuestión que se levará ao vindeiro pleno ordinario, segundo explicou o alcalde, Xosé Lois Piñeiro (Nós Pobra), quen tamén indicou que este cambio non supón a supresión do escudo municipal, pois seguirase a utilizar para cuestións oficiais.
A finalidade é facer unha imaxe corporativa moderna e funcional, adaptada aos novos tempos, como xa veñen facendo numerosas institucións, tal e como apuntou a concelleira das Relacións Institucionais, Patricia Lojo (PSdeG-PSOE), o cal tamén aduciron as edís do Desenvolvemento Local, Amparo Cerecedo (BNG), e a da Promoción Económica, Charo Varela (Nós Pobra). Así mesmo, búscase unificar tódalas versións distintas que se foron empregando ao longo
dos anos, así como a das propias concellarías. Deste xeito, para a súa correcta implantación, creouse un manual de identidade.
O proxecto foi elaborado pola empresa local Publicolor Serigrafía. En representación da dita empresa, Ramón Regades e Breográn Alamancos detallaron que no proceso se simplificaron os elementos do escudo. Canto á tipografía, optouse pola Roboto, con formas suaves e redondeadas, e seis pesos (Black, Bold, Medium, Regular, Light e Thin), para facer que sexa adaptable e lexible en calquera tipo de soporte.
Finalmente, con relación á gama cromática escolléronse tres cores que predominan nas fotografías aéreas do municipio: o azul verdoso da natureza; o salmón, polos tellados das casas; e o amarelo, polos areais do municipio: tres
tonalidades representativas do municipio. E, para diferencia-las diversas concellarías, aplícanse estas divisións cromáticas.

Outros artigos

A Pobra recibe a bandeira azul para a praia da Lombiña-Cabío

A praia da Lombiña-Cabío é un dos areais recoñecidos coa bandeira azul pola Asociación de Educación Ambiental y del Consumidor (ADEAC) neste 2024. O acto de entrega das 140 bandeiras azuis que corresponden a Galicia -114 praias, 11 portos deportivos e 15 centros...

+

O Concello de Boiro impulsa os xogos tradicionais nas parroquias

O Concello de Boiro leva os xogos tradicionais ás parroquias mediante o programa Xogantina para fomentar o os xogos populares e inclusivos. No marco desta actividade vaise desenvolver unha xornada de actividades lúdicas tradicionais destinada aos centros de ensino e...

+

Publicidade

Revista en papel

Opinión

“Para vivir ben, Galicia!”. Luís Celeiro

“Para vivir ben, Galicia!”. Luís Celeiro

A morte, se pensas nela, se recordas ao amigo no cadaleito camiño cara ao máis alá ou seves ao teu pai deitado caladamente nun féretro de madeira nobre, diante dunha multitudede xente chorando, a morte -dicimos- fai estremecer a alma dos vivos, fai que se apague aluz...