A veciña de Ribeira Consuelo Mariño Folgar cumpriu hoxe 106 anos e recibiu a felicitación dos seus seres queridos. Ata o seu domicilio desprazouse tamén a nova concelleira de Servizos Sociais, Ana Barreiro Rego, coa fin de trasladarlle os seus parabéns no nome do Concello de Ribeira e agasallala cun ramo de flores, demostrando a homenaxeada unha
gran presenza de ánimo.
Consuelo Mariño Folgar naceu o 11 de xullo de 1915 no barrio de Deán Pequeño e hoxe vive na contorna do Conservatorio Municipal.
No momento de ser felicitada pola edil municipal xunto a ela estaba a súa filla maior Enriqueta Agrafojo Mariño.
