A Pobra únese á celebración do Día da Patria Galega

O Concello da Pobra do Caramiñal vén de anunciar que celebrará o Día da Patria Galega. Desta vez, debido á situación epidemiolóxica actual, o Concello tivo que reformular as actividades programas para a festividade correspondente ó 25 de xullo.

Así, realizaranse dúas actividades adaptadas á pandemia pola COVID-19. Por unha banda, emitirase unha peza audiovisual coa lectura de Alba de groria, de Castelao, a través da canle de YouTube e redes sociais do Concello. Así mesmo, bota a andar o concurso Galeguizando TikTok. Os vídeos deberán estar en galego, ter como temática o Día da Patria Galega e seguir o formato da aplicación móbil TikTok.

As persoas participantes na actividade de TikTok deber ter trece anos ou máis, anotarse e face-la entrega do vídeo mediante o enderezo electrónico normalización.linguistica@apobra.gal. Os premios serán un lote de produtos culturais galegos e establécense un total de 3 distincións valoradas en 100 euros cada unha: ao máis orixinal, ao máis divertido e ao máis creativo. A data límite para a inscrición estipúlase no día 31 de xullo. Os envíos das pezas estarán dispoñibles antes de rematar o día 5 de agosto.