A Casa da Cultura da Pobra achega unha mostra fotográfica sobre como sobreviven as comunidades pesqueiras tradicionais

22 Xullo 2021

A Casa da Cultura Raquel Fernández Soler, na Pobra do Caramiñal, vai acoller máis de setenta fotografías sobre o día a día das comunidades pesqueiras tradicionais. A mostra, que se inaugura este 23 de xullo, ficará aberta até o 27 de agosto. Vén da man de Afundación, Abanca, e máis o Concello da Pobra do Caramiñal (a través da área de Cultura que dirixe Patricia Lojo). A mostra Fillos do océano, así se fai chamar, é unha síntese das mellores imaxes que o fotógrafo Javier Teniente tomou, durante varios anos, nunha viaxe por contornas mariñeiras de todo o o mundo.

A exposición está composta por máis de setenta instantáneas que presentan a forma de vida de poboacións vencelladas á pesca artesanal, polo que dependen exclusivamente do mar e están a sufrir o esgotamento dos recursos mariños por sobreexplotación ou por causa da contaminación.

Fillos do océano constitúe unha homenaxe a esa xente do mar, pero tamén “unha chamada de atención e de concienciación social a favor da preservación dos ecosistemas mariños”, segundo fai saber o Concello da Pobra, que engade que as visitas pódense efectuar de luns a venres, en horario de 10.30 a 13.30 e de 19.00 a 21.00 horas, seguindo as medidas implantadas por mor da COVID-19.

Esta colaboración é parte do proxecto Corrente cultural, co que Afundación e ABANCA están promovendo un programa de exposicións en diferentes localidades galegas, e que considera a arte como un instrumento imprescindible para fomentar o coñecemento e o desenvolvemento colectivo.

Outros artigos

Convocados os “Premios da Cultura Galega 2024”

A Xunta de Galicia convoca os Premios da Cultura Galega 2024, certame que recoñece o labor creativo e a súa expansión nos novos espazos actuais desde a súa primeira edición, en setembro de 2010. As oito modalidades convocadas son as de Letras, Artes Visuais, Artes...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...