O vindeiro venres 11 de xuño celebrarase en Ribeira a proxección documental Xela Arias. Poeta nas marxes, da man da Rede de Dinamización Lingüística e a Secretaría Xeral de Política Lingüística da Xunta. A actividade, que está enmarcada na programación conmemorativa das Letras galegas 2021 da Xunta, presentarase ás 20 horas no Centro Cultural Lustres Rivas.
Xela Arias. Poeta nas marxes é un documental dirixido por Beatriz Pereira arredor da figura de Xela Arias, poeta e tradutora galega, a cal foi homenaxeada o Día das Letras Galegas 2021. Os testemuños de Marga do Val, Xosé María Álvarez Cáccamao, María Xesús Nogueira, Manuel Bragada, Susana Trigo e Humberto Heredia, conformar un camiño pola vida e obra dunha francotiradora das letras.
As portas do Centro Cultural Lustres Rivas abrirán pouco antes do comezo da proxección e tódolos interesados en asistir deberán realizar a reserva enviando un correo electrónico a normalizacion@ribeira.gal.
