En Outes, retirado un vertido incontrolado na pista do Pedregal

O Concello de Outes informou dunha nova actuación no termo municipal destinada a combater a proliferación de vertedoiros ilegais.

En concreto, os operarios procederon á retirada dunha acumulación de lixo e desperdicios existente nas inmediacións da pista deportiva do Pedregal, en San Cosme de Outeiro.

O Concello de Outes, co fin de visualizar o importante risco ambiental deste tipo de accións, ao que se suman os riscos económicos para os responsábeis destes vertidos (a través das importantes sancións determinadas), lembra que o municipio dispón dun punto limpo e dun servizo de recollida de voluminosos e que “é delito botar lixo e escombros en zonas non autorizadas”.