En Outes abriuse ao tráfico a estrada de saída de Broña

O Concello de Outes informou este 5 de xuño da apertura ao tráfico da estrada de saída da praia de Broña en dirección Tavilo, logo das obras para dotala dunha senda peonil e outra de estacionamento (60 novas prazas de aparcamento, subindo á marxe dereita).

O Goberno local tamén fixo saber que dende o 1 de xuño e até o 15 de setembro, a dita vía será de sentido único, dirección Tavilo. Igualmente, informou de que estará prohibido estacionar na marxe esquerda da estrada, xa que é une espazo exclusivo para senda peonil.

Nas vindeiras semanas realizarase o retranqueo da liña eléctrica e de alumeado público polo que se poden producir cortes puntuais.