A Consellería do Medio Rural decidiu adiantar a este mércores, 16 de xuño, as gardas do persoal antincendios polas “condicións meteorolóxicas actuais” e “as predicións a curto e medio prazo”.
Así figura nunha resolución remitida esta semana ás xefaturas provinciais de prevención de incendios e territoriais de Medio Rural, á que tivo acceso Europa Press.
O escrito, asinado polo director xeral de Defensa do Monte, Manuel Rodríguez Vázquez, declara “o inicio do horario de alto risco” desde este mércores para o persoal laboral do servizo de prevención de incendios forestais.
Igualmente, establécese o comezo de gardas para o persoal técnico dos servizos provinciais de prevención, distritos forestais e da Subdirección Xeral de Extinción.
Así mesmo, fíxase o arranque do período extraordinario a partir do día 16 para os axentes ambientais e os axentes forestais do servizo.
