O municipio da Pobra do Caramiñal presenta nas súas parroquias exemplares de árbores con características de
lonxevidade, singularidade e beleza, así como de especial relación social e cultural coa veciñanza, merecedoras da súa revalorización no patrimonio natural.
Un dos ditos exemplares é a sobreira de Vilariño, situada na parroquia de Santo Isidro de Posmarcos. Así, a Concellaría do Medio Ambiente, da cal é titular a edil Genoveva Hermo (Nós Pobra), enviou á Xunta, na véspera do Día Mundial do
Medio Ambiente, a solicitude para a súa inclusión no Catálogo Galego de Árbores Senlleiras, coa finalidade de conservala no tempo.
De entre tódalas sobreiras existentes no termo municipal, destaca a de Vilariño polas súas características de porte (cunha altura aproximada de 14 metros), idade (superior ós 100 anos) e vencellamento social e cultural coa veciñanza.
