A Pobra organiza visitas a Sálvora e Ons

O Concello da Pobra do Caramiñal e a empresa Piratas de Nabia organizan por terceiro ano consecutivo as visitas guiadas ao Parque Nacional Marítimo-Terrestre das Illas Atlánticas. Así neste mes de xuño están programadas dúas excursións a Sálvora e Ons, con saída dende A Pobra.

O sábado 12, ás 19:00 horas, celebrarase a visita á illa de Sálvora, na coñecida ruta Starlight, cun prezo de 25 euros para persoas adultas e de 16 euros para nenos e nenas ata 12 anos.

A visita a Ons será o domingo 27, a partir das 9:30 horas, cun prezo de 22 euros para adultos e de 13 euros para a rapazada ata 12 anos.

Tódolos interesados poderán facer a súa reserva a través do teléfono 986 320 048 ou na páxina web de Piratas de Nabia. As prazas son limitadas.