O concello de Outes vai dar acollida á edición número quince das súas Xornadas de Información Sociosanitaria, cuxa temática vai xirar desta volta arredor do cancro de pel e outras lesións dérmicas. Incluirá, o 27 de maio ás 18.30 horas, unha charla co doutor Hugo Váquez, xefe do Servizo de Dermatoloxía do CHUS de Santiago.
A cita será no Centro Social de Outes. Para asistir é preciso reservar praza no teléfono 981 850 575.
A actividade é coordinada polo doutor Xosé María Dios Diz, médico especialistas de Atención Primaria de Outes. Organizan e colaboran o Concello (Centro Social e Centro de Saúde), a Sociedade Galega de Xerontoloxía e Xeriatría, ADISMISBUR (Asociación de Discapacitados da Bisbarra de Muros) e Asociación Cultural Terra de Outes.