O Concello de Outes informou dunha importante mellora no transporte e na mobilidade que conecta o termo municipal cos concellos da contorna. Concretamente, conectará Pontenafonso coa Serra de Outes, Noia, Santiago e Muros. Será un servizo con parada a demanda e incluíra dúas novas conexións, unha en dirección a Fisterra e outra cara a Santiago de Compostela.
A conexión Santiago-Fisterra pasaría por Pontenafonso aproximadamente ás 11.00 horas.
A conexión Fisterra-Santiago pasaría por Pontenafonso sobre as 13.45 horas.
Quen queira facer uso deste servizo debe reservar praza chamando ao teléfono 988 687 800 antes das 19 horas do día laborábel anterior a aquel no que vaian facer a viaxe. Máis información en www.bus.gal.
