Esclarecido o incendio de Outes do 16 de abril

Axentes da Policía Autonómica, en colaboración co persoal do Distrito IV Barbanza, veñen de esclarecer un incendio que tivo lugar en Outes o 16 de abril, na parroquia de Cando, que afectou a 0,45 hectáreas de superficie rasa.

Dito lume foi debido a un escape de queima, que a presunta autora realizaba sen adoptar as debidas medidas de precaución. Na súa extinción participaron un axente, unha brigada e unha motobomba. As dilixencias remitíronse ao Xulgado de Instrución en funcións de garda de Muros.

Na actual campaña un total de 14 persoas foron investigadas pola Policía Autonómica como presuntas autoras de incendios forestais.