O Concello de Outes lembra á cidadanía as vantaxes de comunicar incidencias a través de Emerxia.gal

O Concello de Outes fixo un recordatorio da súa adhesión á plataforma Emerxia.gal, servizo tecnolóxico de mapeo posto en marcha pola empresa tecnolóxica Evelb, con sede en Milladoiro, e que pon a disposición da veciñanza a posibilidade de comunicar de xeito directo, seguro e inmediato todo tipo de incidencias e avisos, a través do móbil, en materia de luz, auga, lixo ou estradas, etc. O sistema de notificación e xestión de incidencias urbanas Emerxia tamén está presente en Lalín, Cangas, Rois, Vila de Cruces ou Cabana, entre outros concellos, onde permitiu a achega de milleiros de comunicacións aos servizos municipais.