A Xunta de Galicia anuncia novas restricións por concellos, que entrarán en vigor a partir das 00.00h deste venres 30 de abril.
O comité clínico que asesora á Xunta de Galicia na xestión da pandemia provocada pola covid-19, vén de acordar o establecemento do nivel máximo de restricións nos concellos de Vilanova de Arousa, Cualedro e Carballeda de Valdeorras.
Así mesmo, o comité tamén determinou o nivel alto de restricións nos concellos de Petín, Muíños, Verea, A Merca, Meira, O Grove, Ribadumia, Marín, Meaño, Meis, Ponteareas, Salceda de Caselas, A Pobra do Caramiñal, Ribeira, Cambre e Coristanco.
Ademais, as medidas do nivel medio rexerán nos termos municipais de Lobeira, Lobios, Verín, Cartelle, Xinzo de Limia, O Barco de Valdeorras, Trabada, Barreiros, Chantada, Cambados, Sanxenxo, Vilagarcía de Arousa, Poio, Cangas, Gondomar, Vigo, O Porriño, Nigrán, Tui, Rianxo, Mesía, Carnota, Carral, A Laracha, Betanzos, Carballo e Ares.
No resto dos concellos galegos estarán vixentes as restricións fixadas no nivel medio baixo.
Todas estas medidas entrarán en vigor ás 00,00 horas deste venres, 30 de abril.
O nivel alto de restricións a hostelería, solo pode servir en terraza e cun aforo del 50 % na misma.
O nivel medio en hostelería pode abrir en interior cun 30% de aforo e traballar en terraza con 50 % de ocupación.
A Pobra reactiva actividades: Os bos datos epidemiolóxicos que se están rexistrando na vila e a saída do nivel extremo de restricións motivou que o Concello reactive as actividades e servizos que foran suspendidas. Así, retómase a actividade de lecer e cultural e abren os parques infantís e os biosaudables. Tamén volve a atención presencial ao público na biblioteca municipal, no museo Valle-Inclán e na oficina de información turística. Así mesmo haberá actividades deportivas impulsadas polo Concello e autorízase o uso de instalacións municipais para practicar deporte non federado
