As augas de baño da Pobra reciben a cualificación de “excelente”

13 Abril 2021
A praia dos Areos, no núcleo urbano da Pobra

A Concellaría do Medio Ambiente da Pobra que dirixe Genoveva Hermo (Nós Pobra) informou de que a Administración local recibiu nesta semana unha comunicación da Xefatura Territorial da Consellaría da Sanidade para notificar sobre a clasificación sanitaria final na tempada de 2020 das zonas de baño do municipio. Segundo confirmou, todas as praias valoradas reciben a cualificación de “excelente”.

Para este 2021, os areais nos que se efectuarán as probas rutineiras destinadas a coñecer a calidade das augas e avaliar a súa evolución no tempo serán os mesmos ca nas tempadas anteriores: A Barca, A Corna, Os Areos, A Illa, A Lombiña e Os Raposiños.

Os ditos controis adscríbense ao programa de vixilancia sanitaria das zonas de baño de Galicia 2021-2025 realizada pola Xunta a través da Consellaría da Sanidade, polo obrigado cumprimento da normativa europea.

O Concello confirmou que se recollerán dez mostras en cada zona de baño, nove das cales realizaranse durante a propia tempada e unha antes do seu inicio.

Así mesmo, durante o mes de xuño, o corpo de Farmacéuticos Inspectores de Saúde Pública (FISP) realizará unha inspección a cada zona de baño incluída no referido programa.

Todos estes datos destas tempadas son públicos e poden ser consultados a través da páxina web da Consellaría da Sanidade, dentro do apartado da Sanidade Ambiental.

Tamén se pode obter información a través do Sistema de Información Nacional de Augas de Baño (Náyade).

Outros artigos

A Pobra dá continuidade aos obradoiros de arte floral nar parroquias

A veciñanza da Pobra do Caramiñal potencia nas últimas semanas a súa creatividade a través dos cursos de arte floral organizados pola Concellaría da Participación Veciñal no afán de dinamizar o rural con actividades. Estes obradoiros impártense neste mes de xuño no...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....