Coas naturais reservas e pendentes de confirmación oficial, cheganos informacións da detección dun individuo posible autor do sacrilexio do camposanto de Castiñeiras.
Lembramos que tal como vimos informando en O Barbanza efectivos da Policia Nacional investigan desde primeira hora da mañá o acontecido no ceminterio do Bo Pastor de Castiñeiras. Segundo parece alguén durante a fin de semana accedeu e profanou varias tumbas do camposanto. A policía cerrou o cementerio e prohibíu o acceso o mesmo mentres investigaban o acontecido. As informacións indican que foron abertas sete tumbas.
Fontes da Policia Nacional apuntan que quitaron as caixas e abríronas para levar algúns restos mortais que contiñan. A muller que descubriu os feitos alertou ás forzas de seguridade que acudiron ao camposanto para iniciar os traballos de investigación e acordoaron o espazo.
En declaracións á Radio Galega, o alcalde ribeirense Manuel Ruíz Rivas afirmou que as tumbas non teñen conexión entre elas, e que a profanación tivo lugar en varios puntos do camposanto.
Nas inmediacións do cemiterio reuníronse familiares dos falecidos que están enterrados no camposanto á espera de noticias.
A policía foi deixando entrar a grupos de persoas pasadas as 13.30 horas, se ben a aglomeración de veciños fixo que as forzas e corpos de seguridade saíran para anunciar os nomes dos prexudicados.
Unha das hipóteses que baralla a policía é a do roubo. Cren que unha persoa puido ser soterrada a semana pasada con algún obxecto de valor. Pero para os veciños, nada disto ten sentido.
O párroco da Castiñeiras entereouse por O Barbanza do suceso e acudíu o camposanto. Segundo nos informou ata agora houbera desfeitas menos importantes, como cava de portas e da oficina da empresa que xestiona a venda dos nichos. O cura dixo que os profanadores romperon tamén as portas da capela do cemiterio.
A nova correu polo pobo e a indignación foi crecendo entre os veciños. Mentres a policia nacional segue as investigacións en busca dos individuos que perpetraron tal salvaxada.
Video TVG http://www.crtvg.es/informativos/profanan-sete-tumbas-nun-cemiterio-de-ribeira-4805317