Protección Civil de Noia, O Son, Outes e Ribeira reciben tendas de campaña

O delegado da Xunta na Coruña, Gonzalo Trenor, visitou este 4 de febreiro varios concellos da provincia (beneficiados pola orde de axudas do Goberno galego para equipamentos de emerxencias de Protección Civil, AVPC, dotada con 932.400 euros) para facerlles entrega de tendas de campaña. Trátase dunha vintena de concellos, entre os que se atopan, na nosa comarca, os de Noia, Porto do Son, Outes e Ribeira, amais de Mazaricos e outros municipios limítrofes.

Esta convocatoria está destinada a reforzar o equipamento das AVPC para que poidan levar a cabo as súas intervencións e labores de prevención de riscos en condicións de seguridade e co instrumental necesario. Inscríbese no plan do Goberno galego para mellorar os medios de emerxencia dos concellos de menos de 50.000 habitantes. Deste xeito, vén a complementar outros programas de apoio para mellorar o funcionamento das agrupacións ou a formación dos voluntarios.