A Garda Civil detivo a un veciño da Pobra do Caramiñal como presunto autor de dous delitos de roubo con forza e un delito de furto no marco da “Operación Calasband”. Operativo que se iniciou a raíz do incremento do número de roubos con forza no interior de vehículos nesta localidade barbancesa desde o inicio do ano.
Axentes da Garda Civil Civil do Posto Principal de Boiro, en colaboración coa Unidade de Seguridade Cidadá ( USECIC) da Comandancia da Garda Civil da Coruña, foron os responsables da investigación no transcurso da cal, e segundo informan desde o Instituto Armado, tras a análise da información achegada pola colaboración cidadá, das evidencias reunidas e o modus operandi dos ilícitos, lograron a identificación plena do autor dos mesmos.
Unha vez identificada esta persoa, solicitouse a colaboración da USECIC para establecer un dispositivo de vixilancia na localidade da Pobra do Caramiñal, sorprendendo ao detido cando tentaba acceder ao interior dun vehículo na rúa San Roque.
A Garda Civil detivo a esta persoa como presunto responsable de dous delitos de roubo con forza: un pola subtracción dun TPV e 1.187 euros do interior dunha furgoneta e o segundo, en grao de tentativa ao ser sorprendido polos axentes; e un delito de furto dunha carteira a un veciño desa localidade a cal contiña 100 euros en metálico e varios décimos de lotería.
A Garda Civil continúa coa investigación para o esclarecemento doutros roubos cometidos nesta localidade co mismomodus operandi. O detido, xunto coas actuacións realizadas, foi posto ao dispor do Xulgado de Instrución de garda de Ribeira.