O BNG de Ribeira pide máis implicación do Concello para deter a evolución dos contaxios

11 Xaneiro 2021

O BNG ribeirense rexistrou unha solicitude na que lle esixe ao Goberno local “poñer todos os seus esforzos en deter o aumento dos contaxios que se producen no municipio e convocar de maneira urxente a Comisión local de Seguimento da COVID-19”.

Os nacionalistas denuncian o que consideran “unha falta de información municipal” que ten, ao seu xuízo, meirande gravidade polo intre no que se dá: “Un momento en que o concello está con restricións máximas e os contaxios non deixan de aumentar”.

Segundo o concelleiro Luís Pérez Barral “non é lóxico que ningún membro do Goberno dea explicacións puntualmente no peor momento en canto a casos positivos se refire”. Para Pérez Barral o “Concello está desaparecido”, situación que, segundo explica, “contrasta co acontecido nos meses de abril ou maio nos que apenas houbo casos pero o señor Ruiz saía aos medios todos os días”. E engade: “Non hai nada peor que un gobernante que non dá a cara ante os seus veciños e veciñas e lles informa da situación de maneira clara e transparente”.

Ademais de convocar a Comisión Municipal de Seguimento da COVID-19, o BNG demanda que o Concello de Ribeira inste á Xunta de Galiza a:

· Aumentar o número de rastrexadores coa fin de que ningún caso poida quedar sen detectar.

· Realizar todas un cribado masivo se for necesario e facer as PCR que se precisen.

· Cubrir todas as prazas do persoal sanitario da atención primaria e hospitalaria.

· Reforzar o persoal da sanidade que a situación da pandemia esixe, especialmente no relativo á campaña de vacinación.

Outros artigos

Unha muller ferida nun accidente na autovía en Asados

Unha persoa necesitou atención por parte dos servizos sanitarios logo dun accidente de tráfico ocorrido preto das cinco da tarde deste martes na autovía de Barbanza. O vehículo que conducía saíuse da vía na zona de Asados e terminou envorcado sobre o asfalto. Os...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...