En Outes, o Concello informa dos establecementos que achegarán estes días comidas para levar

O Concello de Outes está a levar a cabo unha iniciativa nas redes sociais para informar á cidadanía daqueles establecementos hostaleiros que permanecerán activos os vindeiros días de meirandes restricións (a partir deste mércores, precisamente) ofrecendo servizo de comidas para levar. O obxectivo é botar unha man aos negocios locais do sector agora que non lles vai ser posíbel desenvolver a súa actividade en condicións de relativa normalidade.

A listaxe de establecementos está suxeita a cambios, por exemplo á incorporación de novos locais que non figurasen, polas razóns que sexan, na relación orixinal. Até de agora infórmase nela do Café Antano (699 611 581), do Restaurante Montreal (981 765 108), do Bar Fraos (981 850 569), de Pizza Italia (981 850 163), da Casa Peto (981 765 024) e do Mesón O Portelo (981 851 004).