Da man da Área de Cultura do Concello de Rianxo, vai facer recalada no Auditorio Municipal a exposición Son Agasallo. Artesanía en Madeira. A mostra poderá verse entre o 4 de decembro e o día 26 do mesmo mes.
O acto de apertura, con visita guiada a cargo dos artesáns autores das obras expostas, celebrarase este venres 4 de decembro ás 12.30 horas. A exposición, que conta con homenaxes á cultura e á tradición rianxeira (por exemplo tallas de Alfonso Daniel Rodríguez Castelao), vén da man do Concello de Rianxo e conta coa colaboración da Deputación Provincial.
