A “nova normalidade” obriga aos equipos da zona a reciclarse e adaptarse á situación actual. Por isto, CD Boiro e Noia Portus Apostoli precisan mil seguidores nas súas canles de Youtube para poder emitir seus partidos a través da plataforma. A canle do equipo noiés (Noia Portus Apostoli FS TV) conta con 1010 subscritores, e tras lograr o obxectivo, recompensarán co streaming aos seareiros que non poidan acudir ao pavillón municipal por mor do aforo limitado nas próximas xornadas.
Doutra banda, o CD Boiro tenta anticiparse aos sucesos, xa que, aínda que non existe calendario para a Preferente Galicia, xa comezou a procura dos mil seguidores. Aínda que hai máis rumores que certezas, o inicio da competición podería darse entre xaneiro e febreiro. A día de hoxe, a canle do equipo boirense (CD Boiro) posúe 270 subscritores.
