A Concellaría dos Deportes da Pobra do Caramiñal informou do remate das obras de mantemento levadas a cabo no Polideportivo da Tomada, unha das accións preparadas para a mellora das instalacións deportivas no segundo semestre do ano e a través do cal “búscase ofrecer aos usuarios e usuarias unhas mellores condicións para o desenvolvemento da súa actividade”.
A dita actuación comprendeu pintar as paredes de bloque de todo o perímetro, agás a parede da bancada, dun modo consistente nunha primeira man de imprimación co disolvente nas zonas afectadas pola auga e en rematar con dúas mans de pintura acrílica especial para interior. O investimento ascendeu a 7.419’72 euros, IVE incluído.
Así mesmo, procedeuse a repintar as paredes do banco e bancadas: unha primeira man de imprimación onde se requirise, un repaso das gretas e remate con pintura acrílica especial para interior. O importe foi de 3.301’12 euros, IVE incluído. Ámbalas obras foron executadas por Gilberto Pinturas.
