“Unha mañá de verán sen sol”. Por Andrés Fariña

14 Agosto 2020
Andrés Fariña

A magnífica acollida da nosa sección de opinión segue a aumentar as súas sinaturas. Un novo colaborador incorporase á nosa sección. Trátase de Andrés Fariña Cadenas, de sobra coñecido na cidade e na comarca, é licenciado en Ciencias Empresariais e catedrático de Economía, foi director xeral de Pesca e edil en Ribeira. En Santiago foi edil de Facenda, Deportes, Relacións Institucionais, Sanidade e Mercados. Para nos é unha honra contar cos seus textos que periodicamente ocuparán a nosa web. Seguimos invitando ós nosos leitores a que aporten os seus escritos e os manden a redaccion@obarbanza.gal.

Unha mañá de verán sen sol. Por Andrés Fariña

Din que debemos afacernos a unhas vacacións non supeditadas ao sol. O territorio, por natureza dános moitas opcións para gozar do tempo de lecer.

A peatonalizacion é unha boa política encamiñada a potenciar esa oferta para as persoas que necesitan un tempo de relax e socialización. Mais que un “ relaxing cup of cafe con leite”.

O pasado luns, por necesidades de guion, optei por pasear coa miña neta polo centro da cidade e teño que recoñecer o agradable que resultou o paseo pola rúa Galicia, Rosalía de Castro, o Malecón e a praza do Concello.

A pesar da covid-19, pareceume que habia ambiente nas tendas, as terrazas estaban moi concorridas e en xeral as rúas estaban animadas. O día prestábase para entreterse pola cidade, e o centro urbano peonalizado axuda con esa tranquilidade que nos proporciona o manter os coches, cos seus ruídos e contaminación, afastados dos paseos. Harmonía entre ciclistas e peóns, como sempre foi, antes de derrapar na arrogancia do volante.

Rúa Rosalía de Castro Ribeira. Foto Joferpa

Creo que o centro urbano de Ribeira gañou moito coa peonalización e, a estas alturas, os comerciantes mais reticentes supoño que xa son conscientes da mellora.

Tamén agradécese a limpeza das rúas. Di un amigo alcalde que o mais importante dunha cidade é a limpeza e a seguridade. É a tarxeta de visita que presenta aos visitantes. A cidade tambien é ao final un produto ao dispor de quen a queira gozar e na que moitos participamos no seu desenvolvemento. E facémolo por acción, por omisión e por voto. Unha poboación faise cidade pola acción dos seus habitantes pero tamén polo recoñecemento dos seus visitantes. Non hai un sen outro. Require moito mais que incluír a palabra cidade na camiseta do equipo local. Por iso ségueme sorprendendo o abandono de certos barrios fronte ao interese en promocionar o título de cidade centenaria, ou cando se autoriza a derriba de casas tradicionais, o mais identitario dun territorio como nolo lembra a Fundación Ria.

E esa tranquilidade e acougo que nos permite a peatonalizacion pérdese cando entramos noutras zonas, igual de urbanas, como é a rúa Romero Ortíz e adxacentes. Espero que a partida orzamentaria que contén o orzamento municipal, por fin resolva este abandono e caos que sufrimos a 400 metros do centro da cidade, para seguir facendo, entre todos, cidade mais atractiva, mais limpa e mais segura.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.