O Pazo de Rianxiño terá que esperar. A dificultade de celebrar o espectáculo no exterior do Pazo de Rianxiño, merma a posibilidade de conxugar contorna e cultura, que é o principal obxectivo da celebración do Paisaxes Sonoras. Este ciclo nace precisamente coa intención de poñer en valor a riqueza do patrimonio dos catro concellos que forman parte da Mancomunidade Barbanza Arousa, polo que as circunstancias climatolóxicas adversas esperadas para esta fin de semana, imposibilitan totalmente a súa celebración.
A nova data
Mantendo o aforo máximo de 50 persoas e baixo as estrictas medidas de seguridade sanitaria contempladas nesta etapa poscovid-19, o concerto adíase ao domingo 23 de agosto, no mesmo emplazamento (Pazo de Rianxiño-Rianxo) e a mesma hora (19 h apertura de portas, 20 h comezo do espectáculo). As entradas xa adquiridas serán válidas para a nova data sen necesidade de facer ningún cambio. No caso de solicitar a devolución, deberase facer a través da plataforma eventbrite.
