Melloras en seis centros educativos da comarca

A Consellería de Educación licitará melloras en sesenta e cinco centro educativos de Área de Compostela por importe de 6.004.461 euros, entre eles en media ducia da comarca do barbanza. Farao ao amparo do recente Plan de Reactivación do Sector Construción para a mellora dous Centros Educativos, que foi presentado no Consello da Xunta e que se prevé licitar este mes para compatibilizar as obras durante o próximo curso 2020-2021.

Entre as actuacións máis destacadas, figuran as reformas integrais, elevándose a 4,5 millóns (o 75% do total). Precisamente, constan entre eses proxectos globais o IES Campo de San Alberto (Noia), sen esquecer neste apartado as obras de eficiencia enerxética e acondicionamento dos CEIP de Palmeira e Heroínas de Sálvora, ambos en Ribeira.

Referidas á substitución ou mellora de cubertas haberá intervencións no CEP Salustiano Rey da Pobra (70.415 €) e CEIP de Palmeira, en Ribeira (1.500 €); Así mesmo, inclúense cambios en luminarias e instalacións eléctricas no patio cuberto do CEIP Praia Xardín de Boiro (20.000 €); instalación de luminarias exteriores no IES Leliadoura de Ribeira, máis reparación do seu transformador e alarma (24.386 €).