Comezan en Rianxo as xuntanzas por vídeo-conferencia entre Concello e tecido produtivo

29 Maio 2020

Este martes comezou o programa de xuntanzas por vídeo-conferencia entre o Concello de Rianxo, por unha banda, e os autónomos, comerciantes e empresarios locais, pola outra, co obxectivo de verificar o desenvolvemento da desescalada para o tecido produtivo rianxeiro e dar conta das súas principais necesidades neste dificultoso regreso á actividade e á normalidade. Na primeira das xuntanzas previstas participaron a edil de Urbanismo, Área de Rehabilitación, Desenvolvemento Local, Comercio e Emprego, Maricarmen Figueira, e o orientador laboral del Concello, Marcos Alejandro.

As xuntanzas, que se levan a cabo por vídeo-conferencia (a través da ferramenta libre Jitsi) buscan “analizar a actual situación provocada pola COVID-19, escoitar necesidades e valorar propostas de colaboración por parte do Concello”.

O Goberno local, que ten canle propia en Jitsi a través da cal canalizar estas comunicacións co tecido produtivo rianxeiro, indica, que o acceso á plataforma poderá facerse nas vindeiras sesións a través de dispositivo móbil (teléfono ou tableta) ou computador persoal (portátil ou sobremesa). Na páxina do Concello indícanse polo miúdo os procedementos requiridos para tirar proveito da dita ferramenta.

Outros artigos

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...