A ARE e o Concello de Rianxo crearán un gran escaparate online para as empresas locais

29 Maio 2020

A Asociación Rianxeira de Empresarios (ARE) e o Concello de Rianxo veñen de xuntar forzas para fortalecer o sector empresarial nestes tempos de desescalada e volta á actividade. Por este motivo, sentaron os alicerces dunha gran plataforma online que aglutine a todo o sector produtivo local e que sirva para promover e mostrar os seus produtos e servizos.

Será un escaparate dixital pero tamén un mercado en liña, un punto de venda e de distribución a domicilio en Rianxo e máis nos concellos próximos. Tamén se achegará a posibilidade de recoller encargos en puntos establecidos.

“Queremos que a plataforma sexa intuitiva e fácil de usar tanto polos usuarios como polos clientes e que poida usarse desde calquera medio electrónico”, explicaron o Concello e máis a ARE, poñendo o foco na gran complexidade do proxecto, pois haberá que “realizar un gran investimento inicial para crear a plataforma, para formar os vendedores que van operar nela e para posicionala visíbel nos buscadores e nas redes”, ao que hai engadir o mantemento no tempo, a actualización continua e a incorporación de novos contidos e melloras.

“Ámbalas entidades sabemos que a parte máis importante para que este proxecto triunfe é a implicación de todo o sector empresarial rianxeiro por iso os convidamos a todos a participar nas reunións virtuais que se van ir convocando a partires da vindeira semana”, engadiu a Asociación Rianxeira de Empresarios.

Outros artigos

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...