Tal e como anunciaron a través do Facebook, o Concello da Pobra do Caramiñal permanecerá coas portas principais abertas, mais a veciñanza non poderá acceder aos espazos onde se atopen traballadores municipais. Non obstante, a atención será telefónica e, en caso se resultar necesario e imprescindible a entrega dunha documentación, será a propia persoa quen a deposite no vestíbulo.
Só funcionará o rexistro, a alcaldía e a secretaría xeral. A partir do martes, estableceranse quendas de traballo co obxectivo de asegurar os servizos mínimos sen incrementar o risco de contaxio. Así mesmo, establécese un programa de traballo desde a casa naqueles casos nos que sexa posible.
Finalmente, lembran que se acuda ao Consistorio de ser estritamente necesario, ademais de que están suspendidos os prazos de tramitación con calquera administración.