O Concello de Rianxo e a Policía Local informaron que a unidade móbil da Axencia de Doazón de Órganos e Sangue estará tamén este sábado 28 de marzo no centro de vila, en horario de 10.00 a 15.00 horas na praza Castelao, logo das estadías deste venres e deste xoves no mesmo emprazamento. As persoas interesadas en colaborar con este importante servizo, máis relevante ca nunca tendo en conta o estado de alarma sanitaria, restricións e confinamento, poden solicitar cita previa a través do número de teléfono 900 100 828.
Como de costume, a unidade móbil achega unha serie de recomendacións ás persoas voluntarias, entre as que se atopa ter agardado dúas horas despois do xantar para facer a doazón, levar o DNI ou a tarxeta de doazón.
