Rianxo acolle este domingo a doceava edición do Campionato Galego de Kenpo e Kumite

11 Febreiro 2020

Este domingo 16 de febreiro Rianxo vaise converter na capital galego da práctica deportiva do Kenpo ou Kempo (拳法), unha disciplina de artes marciais que adoita xuntar nunha mesma práctica as tradicións chinesa e xaponesa. En termos concretos, a cita rianxeira será a 12 edición do Campionato Galego de Kenpo e Kumite. A maiores, celebrarase o primeiro Encontro Galego de Parakenpo.

Segundo explica o Concello de Rianxo, colaborador na organización da cita, as ditas disciplinas de artes marciais teñen unha importante presenza na nosa terra, posto que “Galiza foi a primeira en celebrar un campionato oficial con proba en submission a nivel nacional, e, tamén, a primeira en desenvolver tamén un encontro en Parakenpo”.

O inicio deste campionato será ás 9:30 horas, no Pavillón Polideportivo de Rianxo.

A cita está organizada por Kenpo Barbanza e conta coa colaboración da Concellería de Deportes local.

Sobre o Kenpo

O termo Kenpo, como dixemos, adoita describir as artes marciais híbridas creadas en base a artes xaponesas e chinesas. A palabra kenpo é a tradución en idioma xaponés da palabra en idioma chinés Chuan Fa. Ambas significan “método de loita a man baleira”.

A nivel comarcal, contamos coa importante actividade de Kenpo Barbanza, o club impulsado polo histórico deportista ribeirense Juan Hombre e os seus alumnos e seguidores. A entidade ten web propia onde explica boa parte da filosofía na que asenta. O mesmo podemos dicir da páxina de Kenpo Galicia, a web oficial do Departamento Galego de Kenpo.

Outros artigos

As augas de Tanxil, As Cunchas e Torre, cualificadas de excelentes

O Concello de Rianxo informou esta semana que as tres praias locais incluídas no Rexistro de Augas de Baño de Galicia (Tanxil, As Cunchas e A Torre) foron cualificadas polo Servizo Galego de Saúde como de “calidade excelente". Ademais, os tres areais están incluídos...

+

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...