Tal como estaba previsto e acompañados de bo tempo os magos de Oriente visitaron as parroquias de Ribeira e remataron na praza do Concello despois de percorrer as rúas da Cidade. Centos de nenos acompañados dos seus pais seguiron o saúdo dos Reis desde o Consistorio. Antes os magos visitaron un Belén vivinte situado nos soportais do Concello, unha iniciativa da Asociación Alfaia que se recupero tras 26 anos sen emprender esta acción.
Os Reis, despois de repartir de madrugada os agasallos ós nenos, acudirán mañá luns día 6 á Igrexa Parroquial de Santa Uxía Riveira. Será as 12 da mañá durante a celebración da Eucaristía e posteriormente os nenos que o queiran poderán saudar ás súas Maxestades.
