As súas Maxestades de Oriente chegaron tamén esta tarde A Pobra cunha cabalgata que contou coa participación de ao redor de 100 persoas na súa organización.
A saída do desfile empezou no polideportivo situado na rúa Venecia e enfiou polo paseo do Areal ata o portal de Belén, na praza Maior. Despois continuou pola rotonda da Covecha cara as rúas Díaz de Rábago e da Paz para concluír o itinerario na Casa do Concello, onde teivo lugar a recepción de Melchor, Gaspar e Baltasar. En total, repartiranse 1.500 quilos de caramelos aptos para celíacos.
Como acompañamento musical, formaron parte desta cita os grupos Batukabras, Trécola, A. C. Eiradela e Xiada. Colaboraron a Asociación de Amas de Casa, Consumidores e Usuarios Caramiñas e Autocares Barbantia.
