Ponte cultural en Rianxo

05 Decembro 2019

O municipio rianxeiro propón para esta ponte varias actividades. Así, a Sala Arcos Moldes do Auditorio municipal albergará hoxe, ás 21.00 horas, o II Memorial Mireya Dieste cun concerto de piano con Margarita Viso Soto e Javier Ares Espiño.

Continuando con música, o espazo referido anteriormente será escenario o sábado 7, ás 18.00 horas, do XIV Festival de Corais de Arousa e Ulla coa Coral San Salvador de Camanzo (Vila de Cruces), a Coral Polifónica Círculo Mercantil de Ribeira e a Coral Abraira de Asados (Rianxo).

Por outra banda, a parroquia de Araño celebrará o sábado 7 e o martes 10 as festas de Santa Baia. Na xornada do sábado haberá bombas de palenque, torneo de truco, espazo creativo para os máis novos e degustación de callos, mentres que a noite será amenizada por Puzzle e José Manuel, da orquestra Abanico. A Misa cantada oficiarase o martes ás 12.00 horas.

Outros artigos

Unha muller ferida nun accidente na autovía en Asados

Unha persoa necesitou atención por parte dos servizos sanitarios logo dun accidente de tráfico ocorrido preto das cinco da tarde deste martes na autovía de Barbanza. O vehículo que conducía saíuse da vía na zona de Asados e terminou envorcado sobre o asfalto. Os...

+

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...