Con motivo destas datas, a Asociación Amicos quíxose sumar á celebración. En primeiro lugar procedeuse á presentación do calendario solidario, sendo este ano máis ecolóxico ca nunca. As reservas poden tramitarse mediante o teléfono de contacto 981865716 ou do enderezo electrónico publiam@amicos.org, ademais de permanecer á venta no Centro de Atención Integral Amicos, situado en Boiro. O calendario de parede ten un custe de 7 euros e o de sobremesa de 5 euros.
A continuación, tivo lugar o Festival de Nadal que incluíu unha panxoliña creada especialmente para tal ocasión. Posteriormente, reuníronse en torno a mesas para o xantar e, finalmente, Papá Noel fixo un oco na súa ateigada axenda para realizar unha visita.
