A Deputación da Coruña desenvolve o programa “Machismos sen miopías” en Rianxo, Fene, Teo e Padrón

05 Decembro 2019

Os días 10 e 12 en Rianxo desenvolverase o programa “Machismos Sen Miopías”, impulsado pola área de Cultura da Deputación da Coruña co fin de xerar espazos colectivos nos que traballar a identificación de violencias machistas invisibilizadas.

A área de Igualdade da Deputación da Coruña continúa co seu programa de obradoiros de sensibilización contra a violencia machista que se prolongarán até o día 13  e se realizarán na vindeira semana nos concellos de Rianxo, Fene, Teo e Padrón, completando o conxunto de dez municipios en que se realiza a iniciativa.

“O conxunto de obradoiros forma parte do programa de accións de carácter informativo, formativo e de sensibilización que se promoven desde a área de Igualdade da Deputación da Coruña co fin de erradicar a violencia machista”, sinala a deputada de Igualdade, María Muíño. Os obradoiros de “Machismo sen miopías”, apunta a Deputada, están dirixidos á poboación xeral con “obxectivo de contribuír á prevención, sensibilización e identificación da violencia de xénero e confluirán nunha mostra arredor das violencias invisíbeis

Do 10 e 12 de decembro, o Centro Sociocultural de Rianxo acollerá de 17:00 a 19.30h. o obradoiro “As violencias machistas: unha lingua excluínte” no que se analizará quen fala, onde fala, como fala e que fala. A través das respostas a estas preguntas desvelaranse as formas de violencia ocultas na psique colectiva.

“A saúde: unha cuestión de xénero” é o título do taller que os días 9 e 10 de decembro se realizará no C. Municipal de Servizos Sociais en horario de 16.30 a 19:00 horas para abordar a violencia institucional que afecta á saúde das mulleres. A atención nas consultas médicas, a violencia obstétrica, a patoloxización ou a medicalización dos corpos das mulleres será algúns dos temas que se abordarán na iniciativa.

Maria Muiño e Eva Ovenza, Deputada e técnica de Igualdade

Outros artigos

Catro mozos rescatados tras ter problemas cunha pedaleta en Rianxo

Catro mozos foron rescatados esta tarde tras ter dificultades para regresar a terra cando navegaban nunha pedaleta na praia de Tanxil, en Rianxo. O 112 Galicia recibiu o aviso dun particular ás 17:10 horas, indicando que os rapaces non conseguían achegarse á costa, xa...

+

Novo éxito de participación da feira de videoxogos Rianxo Gaming

Este sábado 5 de xullo Rianxo converteuse nun acceso directo ao mundo dos videoxogos grazas á nova edición de Rianxo Gaming, feira tecnolóxica para a mocidade (principalmente) que aborda a cuestión gamer dende unha óptica creativa, participativa e saudábel. De feito,...

+

Publicidade

Castiñeiras

Revista en papel

Opinión

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.