O Club de Aeromodelismo Furacán achega as súas pezas á veciñanza

12 Novembro 2019
Cedida

Unha nova mostra está a disposición da veciñanza na pobrense Casa da Cultura e Xuventude Raquel Fernández Soler. Nesta ocasión, é a quenda da exposición do Club de Aeromodelismo Furacán. Así, na tarde de onte tivo lugar a inauguración a cargo da concelleira de Cultura, Patricia Lojo, e o presidente do citado colectivo, Ricardo Rivas Sampedro.

A edil Patricia Lojo explicou a traxectoria dunha entidade que naceu en 1995 como unha inquietude dun grupo de amigos que, por separado, intentaban comezar a súa andaina neste mundo. Pouco a pouco, o club foi medrando e empezou a organizar actividades ou participar conxuntamente con outras entidades e organismos públicos. Exemplo deste dinamismo é a presente mostra ou a exhibición realizada no transcurso dos festexos do Carme dos Pincheiros, entre outros. Lojo Nine tamén manifestou que unha das accións das que se senten máis orgullosos é a escola deportiva, iniciando aos máis pequenos neste eido e facilitándolles que poidan practicar esta afección a un custe máis accesible. Ademais, animou a toda a veciñanza a achegarse ao longo de todo o mes de novembro para contemplar e coñecer de preto o seu traballo.

Pola súa parte, Ricardo Rivas explicou máis polo miúdo o funcionamento deste mundo, detallando as características das distintas pezas, as cales están feitas a man con sumo coidado e dedicación, ademais de presentar trazos que pretenden achegarse á temática e á realidade o máximo posible. Así mesmo, tivo palabras de agradecemento para os seus compañeiros e o Concello.

Outros artigos

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...