Con motivo da celebración do Día da Biblioteca o xoves 24, o espazo de lectura municipal de Rianxo albergará, ás 18.00 horas, a representación A pluma viva de Rosalía, da compañía Os Quinquilláns.
Esta creación achegará a obra de Rosalía de Castro a tódolos públicos, ademais de transmitir as dificultades que tivo que sufrir unha muller escritora no seu tempo. Rosalía oponse ao prexuízo de que existe unha literatura feminina e escribe e fala sobre a problemática das mulleres: violencia, soidade, falta de oportunidades e desamparo, entre outras.
O elenco desta proposta está formado por Tero Rodríguez e Lucho Penabade.
Esta actividade, de balde e ata completar aforo, enmárcase no programa Ler conta moito.