20191008. Con motivo da iniciativa ‘O teu Xacobeo’, o domingo 13 volve Serafín Marcos cunha nova visita teatralizada da Pobra do Caramiñal, despois de que fixese o propio a principios de setembro. Baixo o título A Pobra Xacobea, percorreranse diversos emprazamentos da vila que gardan relación co camiño. Deste xeito, anticípase o Xacobeo 2021 cunha programación social e cultural que se desenvolverá en toda a xeografía galega durante o 2019 e 2020.
A actividade transcorrerá a partir das 19.00 horas, establecendo como punto de encontro os xardíns Valle-Inclán.
Para máis información ou resolver dúbidas, os interesados poden dirixirse ao teléfono 687482835.
