20191002. A Garda Civil de Boiro e A Pobra do Caramiñal homenaxea ao seu membro máis antigo, José Andrés Suárez Sayar, con motivo da súa xubilación. O axente estivo 44 anos ao servizo dos cidadáns en destinos coma Tazones (Asturias), A Pobra do Caramiñal e os seus últimos 30 anos no Posto Principal de Boiro.
Deste xeito, desfrutará do seu retiro no Barbanza, concretamente en Boiro, a pesar de que as súas raíces sitúanse en Santiago de Compostela.
A Garda Civil sinala que deixa “un grato recordo entre os seus compañeiros e compañeiras de profesión”, polo que realizan unha cea no Restaurante Florida como xesto para agradecerlle “a súa profesionalidade, compañeirismo e o seu bo facer durante toda a súa traxectoria profesional.”
