20190909.- Sae o número 4 de O Barbanza, revista mensual do Grupo Código Cero Comunicación que se distribúe de balde nos concellos de Ribeira, A Pobra, Boiro e Rianxo e ques e pode descargar en pdf.
Neste novo número, cunha tirada de 7.000 exemplares, detallamos algunhas das festividades máis sobranceiras e históricas do calendario anual da comarca, como as Festas da Guadalupe de Rianxo, as Festas do Nazareno da Pobra e as Festas Patronais de Santa Uxía de Ribeira.
Tamén falamos do novo auditorio de Ribeira, do pulo do Concello de Boiro na cobertura tecnolóxica das parroquias e da descentralización da oferta cultural dos centros sociais da Pobra.
Pecha o número unha entrevista a Manuel Ayaso, pintor de Aguiño con sona internacional e unha reportaxe sobre as leendas de Sálvora.
