20190909. O Puebla F.C. sumou onte a súa terceira vitoria consecutiva no campo de Cadreche. Nesta ocasión, tocoulle enfrontarse ao At. Coruña Montañeros C.F., pero iso non impediu que anotasen 9 puntos dos 9 posibles no arranque desta tempada. Nas dúas xornadas previas non encaixaron goles en contra, e o día de onte non foi unha excepción.
O numeroso público asistente contemplou como, no minuto 15, Adrián Pereira marcou o primeiro gol cunha volea desde fóra da área. Cando os Montañeros aínda non tiveran tempo de recuperarse, no minuto 18, Adrián Falcón anotou o segundo gol de córner directo.
A segunda parte do partido transcorreu máis tranquila, exceptuando os últimos 15 minutos, momento no que foi expulsado Álvaro Calo por dobre amarela. Esa situación provocou que os coruñeses intentasen encaixar o balón na portería de Juan Pérez, quen defendeu a súa área evitando o propósito dos visitantes.
Deste xeito, o Puebla viviu un novo éxito na casa acompañado dos afeccionados e socios.
