20190920.- A Residencia de Maiores Domus Vi de Riveira anticipouse nun dia á celebración da xornada mundial do Alzheimer. Unha actividade que ven de romper coa rutina que impide ver a realidade desta enfermidade e que axuda a escapar dela.
O venres 20 de setembro os integrantes da residencia fixeron un pequeno e importante recorrido que suma novos pasos á “Quilómetros para recordar”, fundación que ten como fin axudar á investigación do alzheimer.
Tal como nos lembran desde as asociacións o lema da xornada mundial do Alzheimer: evolución. Se as necesidades evolucionan, din, as respostas a estas necesidades precisan de facelo da mesma maneira. Hai novas necesidades que precisan novos coidados e novas atencións. É parte da reflexión que fai a confederación española do alzheimer. Especialmente fágome eco desta frase: “e é que a rutina de mirar moito tempo o mesmo escenario pode impedir ver e comprender os cambios que neste se producen”. Sensibilización para unha mellor prevención desta patoloxía á que denominan “epidemia do século XXI”, pero tamén unha mirada máis atenta e profunda para saber responder ás novas situacións cas que nos atopamos. Unha mirada máis atenta e profunda a quen a sufre directamente para ofrecer unha mellor calidade de vida ante unha situación na que un é desposeído de todo, e tamén ao seu entorno que moitas veces non sabe como reaccionar. Mais reportaxe en Parroquia Santa Uxía
