Rosario e Milladoiro porán o broche de ouro ás Festas de Ribeira

02 Agosto 2019
Milladoiro nas Festas da Peregrina de Pontevedra nunha imaxe de Contando Estrelas

20190802 As Festas de Ribeira (programa neste PDF) soben esta fin de semana ao seu chanzo máis alto. Serán dous días rebordantes de actividade cultural, musical, deportiva e creativa para xente de todas as idades. Con todo, o sábado a organización quixo poñer o foco na xente do mar, colectivo á que se adica a que para moitas e moitos é o día grande das celebracións.

Estas comezarán a primeira hora (logo das 21 tradicionais bombas de palenque das 9.30) cun campionato de xadrez organizado polo Club de Xadrez do Círculo Mercantil e destinado ás categorías sub 8, sub 10, sub 12 e sub 14 a absoluta. A entrega de premios será ás 13.30 horas, na Casa da Xuventude.

Ás 11.00 horas a Banda de Cee protagonizará unha ruada para rematar na Residencia do Maior cun pequeno concerto.

Ás 18.30 celebrarase unha misa solemne na honra da Virxe do Carme, cantada pola Coral Polifónica do Círculo Mercantil de Ribeira, dirixida por Antonio Fernández Ageitos, na contorna da lonxa de Ribeira, para dar paso á tradicional procesión marítima con saída dende a fábrica de xeo. Ao remate da procesión desenvolverase a procesión terrestre, dende a lonxa até a igrexa parroquial.

Ás 19.30 celebrarase o Trofeo de Fútbol Festas de Verán, no Campo da Fieiteira, que enfrontará ao CD Boiro co Atlético de Ribeira.

Ás 21.00 horas está prevista unha exhibición de kenpo e karate, a cargo do Club Kenpo Ribeira (Ximnasio Cardalda) na praza do Concello.

A praza do Concello foi este venres o principal escenario das actividades para a rapazada

Pola noite, comezará a música ás 22.30 horas, con La Estación tocando no Malecón (primeiro e segundo pase) e con Rosario Flores na praza de España, a partir das 23.00 horas. A música tamén estará presente no parque García Bayón, da man da agrupación Quien lo diría (a partir das 00.00 horas), e na praza dos Mariñeiros, en Bandourrío, a cargo de Planet Discomóbil.

O domingo, derradeiro día das festas de 2019, é o día adicado ao tecido social. Logo das bombas de palenque (ás 9.30 horas) e das ruadas musicais (incluíndo un itinerario protagonizado pola Banda de Música de Boiro, a partir das 11.00 horas, que rematará, como de costume, diante da Residencia do Maior), virá a misa solemne na honra de San Pedro (ás 12 na igrexa parroquial) e a mostra de música e danza tradicional de Ribeira, na porta do Sol (adro da Igrexa) a partir das 20.15 horas.

A vertente musical virá pola noite, a partir das 22.15 horas, da man de Milladoiro, na praza de España, presentando o seu novo traballo discográfico, Atlántico. Este concerto está organizado pola Concellería de Cultura de Ribeira en colaboración coa Rede Cultural da Deputación da Coruña.

Un pouco máis tarde, ás 22.30 horas, comezará no malecón un concerto a cargo de Graffiti. Ás 00.00 celebrarase a tradicional queima de fogos de artificio no peirao de Ribeira.

Outros artigos

O xurelo e o lirio de Ribeira viaxan a SALIMAT da man da OPP83

A Sociedade Cooperativa Galega do Mar Santa Uxía de Ribeira (OPP83) viaxará a Silleda para participar no 27o Salón de Alimentación do Atlántico, SALIMAT Abanca 2024. A OPP83 realizará unha degustación para os asistentes na que dará conta das excelencias do xurelo e o...

+

A XXIV Mostra de Teatro Infantil de Ribeira arrinca este 31 de maio

Este martes 28 de maio a concelleira de Cultura, Antía Alberte, presentou a vixésimo cuarta edición da Mostra de Teatro Infantil de Ribeira Daniel Gómez Ramil. Fíxoo na compaña de Óscar Romero, director do grupo infantil municipal. Esta mostra, sinalaron, permite pór...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...