20190811.- O equipo feminino “ Bandeira Virxe do Carme” de Cabo de Cruz conseguiu hoxe a súa primeira bandeira da tempada na Liga Galicia Calidade. Tras rematar onte en segunda posición en Moaña hoxe foron capaces de superar ás de Mecos-Coruxo por 14” en augas do Grove.
A EuskoLabel Liga tivo esta fin de semana citas en Ondarroa e Hondarribia. Nestas dúas regatas de mar, o equipo mantivo a compostura acadando dous oitavos postos. Deste xeito pasa á oitava posición na xeral, por detrás de Ondarroa, sétima.
O equipo LGT-A continuou as competicións en Moaña e no Grove, acadando un oitavo e noveno posto. Con isto, clasifícanse oitavos na xeral, por detrás de Mera.
